Diamars pa mas o menos 6:00 pm a tuma un accidente ariba lama, unda cu dos jetski a dal banda di otro cu consecuencia c’un persona a keda basta herida na su pia.
Segun informacion compila tur cos ta indica cu ta trata di dos turista riba un aventura riba lama. Ambulance a transporta un di nan pa hospital debi cu e lo a fractura su pia y no por a cana. Polis a presenta na e sitio patras di Divi Phoenix pa asina por tuma dato di accidente.
