Un situacion basta tenso y dudoso a tuma luga durante ora di anochi laat na momento cu un tourbus y un auto a haya nan envovli den un accidente. E chauffeur di e bus a tuma nota cu un vehiculo a bin dal su tras pero no a pensa cu e situacion lo a bira un persecucion.
Esaki a sosode den careda di 12:00 am den e area di Savaneta ora cu a start un persecucion tras di e bus blanco aki cu a pasa diferente caya den Yara prome cu subi caminda grandi.
Mientrastanto e vehiculo afecta tabata su tras pero a logra di bati alarma na polis prome. Diferente patruya a uni pa asina localisa e bus aki y riba caminda di Savaneta, dilanti S. Chow Supermarket a logra par’e. E auto envolvi tambe tabata presente pa asina duna declaracion di e susedido. Locual cu a hala atencion ta cu e bus no tabatin golpi relaciona cu un hit and run pero mas bien contrario a ricibi golpi patri patras.
E chauffeur a duna declaracion durante e live y a indica cu e tabata coriendo y a sinti un vehiculo bin dal basta fuerte su tras. El a tuma contacto cu central di polis mientras el a bay dal un rond pa para bek. A indica na e central cu el a tuma nota di un vehiculo riba velocidad basta halto a bin dal su tras y a pensa cu ta pa malo e lo a haci esaki y no a confia di para e momento ey.
Polis na sitio a presenta cu e alco-sensor (machin pa test nivel di acohol) cu a determina cu e chauffeur di e bus tabata bou influencia di alcohol. A detene e persona aki y transporte pa warda di polis. No ta conoci si e chauffeur di e otro vehiculo tambe lo tabata bou di influencia como cu no a haci test cu ne te na momento cu nos tabata na sitio. Pero a bin compronde cu un rato despues e tambe a supla.
