Pepe Margo Distillery a logra un participacion importante na Global Drinks Awards 2027, conkistando tres reconocemento internacional: E premio Global Best Rum-based Liqueur pa su Rum & Coconut Liqueur, y dos distincion New Product of the Year – Contemporary Cocktail pa Aruba Passion y su Rum & Coconut Liqueur. E reconocementonan ta pone e destileria di Aruba den e centro di atencion internacional den industria di bebida.
MarGin, Eminente, Belvedere y Kavalan ta destaca entre e ganadonan di e prome edicion di Global Drinks Awards 2027, un programa internacional cu ta reconoce calidad den industria di bebida mediante evaluacion independiente cu comentarionan pa cada participante y apoyo na organisacionnan caritativo.
E prome edicion di Global Drinks Awards 2027 a anuncia e prome grupo di ganadonan, reconociendo productonan di diferente parti di mundo den categoria, for di gin, rom, vodka, whisky, tequila, likeur y bebida sin of cu poco alcohol.
E premionan, organisa pa Global Drinks Intel, a wordo crea hunto cu productornan, huesnan specialisa, gremionan y asociacionnan di industria, cu e meta di establece un sistema di reconocimento transparente y independiente.
MarGin London Dry Gin a bay cu e titulo di Global Best London Dry Gin; Eminente Gran Reserva Edition No. 2 Rum, ganado di Global Best Aged Rum; Belvedere 10 Vodka, cu a haya Global Best Rye Vodka; y Kavalan Blender’s Reserve No. 1 Single Malt Whisky, reconoci como Global Best Single Malt Whisky.
Un aspecto importante di e competencia ta e sistema di evaluacion. Cada producto ta pasa door di un prueba “a ciegas”, den cual por lo menos cinco hues specialisa ta evalua e bebida segun criterianan publica y principio di medaya defini. Tur participante ta ricibi un puntuacion y un evaluacion anonimo cu comentario constructivo, independientemente di nan resultado. E panel di hues tabata consisti di un reparticion igual di hende homber y hende muhe, cu un proporcion di 50:50 durante e dos dianan di evaluacion, cu a tuma luga dia 6 y 7 di october.

Global Drinks Awards ta enfatisa su independencia door di exclui permanentemente patrocinio di marcanan di bebida, productornan y distribuidonan di bari. E ganadoranan por uza e logo oficial di nan premio sin costo adicional di licencia.
James Houlder, Chief Commercial Officer di Global Drinks Intel, a afirma: “Un medaya mester significa algo tanto pa e persona cu ta cumpra e boter compa e productor cu a gan’e. Nos ta dispuesto na rechasa oportunidadnan comercial pa protege e confiansa ey. Tur e participantenan mester un evaluacion husto y comentarionan util, independientemente di e resultado.
Como parti di su compromiso social, lo subasta e boternan cu a resta via The Whisky Shop Auctions y lo reparti e ganashi netto igualmente entre Equal Measures UK y The Distillers’ Charity, dos organisacion cu ta sosten iniciativanan di educacion, inclusion y desaroyo den sector di bebida y hospitalidad. E socio encarga di e subasta ta renuncia na e pago di e indicenan di publicacion y di e comision di e cumprado y lo deduci solamente e gastonan relaciona cu e procesamento di e carchi. E compromiso caritativo aki a forma parti di e plannan di GDA for di un principio.

E anuncio ta inclui tambe e di dos edicion di e New Product Awards 2027, cu tabata forma parti di e programa mas amplio di GDA y ta reconoce e calidad di e likido di e productonan cu ta cumpli cu e rekisitonan, lansa den e 24 lunanan prome cu e fecha limite di inscripcion.
Por wak tur e resultadonan di GDA y NPA riba: www.globaldrinksawards.com
Tocante Global Drinks Intel
Global Drinks Iintel ta un empresa internacional independiente dedica na e medionan di comunicacion, distribuidonan y minoristanan. Su plataformanan imprimi y digital lo promociona e ganadonan, cu e respaldo di un inversion adicional den visibilidad comercial.
Global Drinks Intel ta un empresa internacional independiente di medio y inteligencia den e sector di bebida cu ta sirbi productornan, cumpradonan, importadornan, distribuidornan, detayistanan y otro profesionalnan di bebida via su plataformanan imprimi y digital. Ganadonan lo ricibi cobertura riba e plataformanan aki, sosteni pa inversion adicional den promove e resultadonan cerca publico comercial relevante. Website: www.drinks-intel.com
TOCANTE E GLOBAL DRINKS AWARDS
Global Drinks Awards ta e programa general, cu identidadnan specifico pa cada categoria incluyendo Global Whiskies Awards, Global Gin Awards y Global Rum Awards. Su prome resultadonan ta wordo anuncia riba 18 di november 2026. E premionan ta carga e fecha di 2027 pa duna productornan e aña venidero pa uza nan reconocimento den empake, mercadeo y presentacionnan na cumpradonan.
HUSGAMENTO Y NIVELNAN DI PREMIO
E husgamento a tuma luga dia 6 y 7 di october 2026 na Art Workers’ Guild na Londres. Brons, Plata y Oro ta wordo determina contra nivelnan publica, sin un asignacion pre-determina di medaya. E productonan eligibel mas fuerte ta pasa pa distincionnan mas halto. Global Best ta e premio mas halto di GDA den e categoria relevante. Cada producto ta ricibi solamente su premio mas halto. Inscripcion no ta garantisa un premio.
LIDERAZGO DI HUSGAMENTO
Hues Principal (Head Judge): Olly Wehring. Lidernan di panel pa categoria: Becky Paskin pa whisky; Vicky Ilankovan pa rum; Millie Milliken pa bebidanan zoet; Dan Warner pa gin; Kieran Healey-Ryder pa bebidanan sin of cu poco alcohol; y Oliver Kitson pa likeurnan. E panelnan ta trece hunto cumpradonan, escritornan, educadornan, bartendernan, consultornan y specialistanan di categoria. Mas informacion tocante husgamento ta disponibel na www.globaldrinksawards.com.
TOCANTE E NEW PRODUCT AWARDS
New Product Awards 2027 ta den nan di dos aña y ta forma parti di e programa mas amplio di GDA, cu nan propio identidad di premio. Productonan eligibel mester a wordo lansa dentro di e 24 lunanan prome cu e fecha limite di inscripcion. E premionan ta evalua e calidad di e likido. E titulonan di New Product of the Year ta reconoce e miho inscripcionnan eligibel den nan respectivo categorianan. Resultadonan di premio di NPA ta keda separa di resultadonan di premio di GDA.
PATROCINADORNAN Y SOCIONAN DI SOSTEN
Patrocinado principal: OKI. Patrocinadonan di categoria: The Gin Guild y The Whisky Shop Auctions. Socionan di sosten: West Indies Rum and Spirits Producers’ Association (WIRSPA), Indian Malt Whisky Association, English Whisky Guild y Irish Whiskey Association.
BENEFICIARIONAN CARITATIVO
Equal Measures UK ta traha pa mehora acceso, educacion, desaroyo y inclusion den e sector di bebida y hospitalidad. The Distillers’ Charity ta sostene iniciativanan caritativo conecta cu e sector, incluyendo educacion y desaroyo vocacional.
Ganadonan di Global Drinks Awards 2027 ‘Global Best’
E titulonan di premio ta sigui pa e producto ganado y su pais of teritorio di origen. Resultado completo: www.globaldrinksawards.com.
E ganadonan lo ricibi cobertura riba tur e plataformanan aki, respalda pa un inversion adicional pa promociona e resultadonan memey di e publico relevante riba www.drinks-intel.com
Los ganadores recibirán cobertura en todas estas plataformas, respaldada por una inversión adicional para promocionar los
Pa resultado, informacion tocante e hurado, sponsornan y socionan colaborado: www.globaldrinksawards.com