Diamars mainta, den careda di 11:30, lo mester a sosode un pelea. Un biaha mas, problema entre companianan di negoshi acuatico.
Tabata tin buscamento di problema cu a caba den agresion cu baranca. Ta trata aki di un di e trahadonan cu tabata sinta bao di su hut, y un otro a tira palabra p’e. Esun cu tabata sinta su so, a lanta bay den direccion di su auto, pa busca radio, pa asina tuma contacto cu e botonan.
Mientras cu e ta canando, un auto a yega para banda di dje, y e ocupante a cuminsa busk’e problema. El a djis hari nan y sigui su caminda. Na e mesun momento, ocupante di e auto, a baha, coy un baranca, manda esaki riba esun cu tabata canando.
Esaki no a keda cu man cruza. E tambe a cuminsa piedra y a manda esakinan riba e auto. Polis a wordo yama pa bin na e sitio pa intermedia. Al fin y al cabo, ambos partido a keda deteni y hiba warda, pendiente interogacion.
