Pashentnan cu ta fayece di covid no ta habri nan caha

3280

Anthony Latham ta director di Aurora Funeral Home, e agencia funeraria mas grandi na Aruba, kende den combersacion cu 24ora a papia di e procedura di entiero.

Nan tambe a pasa den un proceso di crea protocol con pa atende cu curpanan di personanan cu a fayece di Covid-19, cual sigur ta hopi menos estricto cu na Merca.

Pashentnan cu ta fayece di covid no ta habri nan caha

Pashentnan cu ta fayece di covid no ta habri nan caha

Posted by 24ora on Tuesday, September 15, 2020

Asina el a splica cu unabes e persona fayece, ta hinca e curpa den un bodybag y famia no ta bay mira e curpa mas. Un persona cu no fayece do Covid-19 ta haya un entiero normal, segun e protocol, cu 25 persona den e sala.

E persona cu fayece di Covid-19 ta bay den dos bodybag y poni den un caya cu ta seya. E caha ey no ta habri mas. Pues personal di e funerario no ta traha riba e curpa pa core ningun riesgo. “Ta busca tur manera pa protege nos hendenan y sigui e maneho di DVG.” E protocol di Gobierno no ta exigi pa cremeer e curpa. Ta keda na e famia si nan kier cremeer of dera e defunto.

Nan tin ainda e velorio pero den dia y e hendenan cu yega ta tuma nan temperatura, ta spuit nan mannan, pero tambe mester sigui tur e “sign”nan cu ta exigi di tur negoshi. E ta sinti e dolor di famianan cu no por mira nan defunto, pero nan no por haci otro cu cumpli cu e protocol.