Diadomingo awor 14 di April 2019 Parokia di Santa Cruz ta celebra un bes mas e entrada triunfal di Hesus na Herusalem. Lo tin un multitud grandi y tin ta bisti cu pañanan di Israelitanan y Ministerio di Musica MDJ lo ta riba trailer tocando, asina compañando Hesus den Eucaristia bao di un tent durante procesion.
Diadomingo awor 14 di April 2019 Parokia di Santa Cruz ta celebra un bes mas e entrada triunfal di Hesus na Herusalem. Lo tin un multitud grandi y tin ta bisti cu pañanan di Israelitanan y Ministerio di Musica MDJ lo ta riba trailer tocando, asina compañando Hesus den Eucaristia bao di un tent durante procesion.
Profeta Zakarias a profetisa esaki: “bisa e habitantenan di Sion: Ata bo Rey ta bini serca bo! Humilde y sinta riba un burico, riba un yiu di burico, yiu di un bestia di carga.”
Dia di Rama ta marca inicio di Semana Santa conmemorando dos acontesimento hopi significativo di Cristo. E Diadomingo di Rama of e Diadomingo di Pasion ta conmemora entrada triunfal di Hesus na Herusalem, ora miles di hende a ricibi’E y a compañe cu ramanan den man.
E procession lo ta diadomingo awo pa 8:30 am prome cu Misa di 9:00 mainta, mescos cu nan tawata conmemore den e temponan antiguo y pesey tambe ta importante pa nos tur por participa na e procession.
E peregrinonan ta reconose Hesus como nan Rey mesianico y nan tawata grita versiculonan di Salmo 118, palabranan di bendicion, di e liturgia di e peregrino Israel. Cu nan boca ta conberti den un aclamacion mesianica gritando: “Hosana, bendiciona ta Esun cu ta bin den nomber di Señor.” “Bendiciona sea e Reino di nos Tata David, esun cu ta bini.” “Hosana” . Hosana ta un grito di hubilo, e ta un oracion profetico.
Parokia Inmaculada Concepcion cu Pastor Jairo Maduro y pueblo di Santa Cruz y Misioneronan De Jesus ta pidi tur hende si por yega tempran. Y tur cu desea por bisti paña na Israelitanan. Y tambe por para cu auto bandi caminda y admira e gran celebracion aki. E procession ta diadomingo 14 april 2019 y ta sali 8:30 am for di pariba di Misa y ta pasa den rotonde pa direcion Colegio San Hose y ta termina pabao di Misa. Pa mas informacion: 564-0224.
