Diasabra cu a pasa partido AVP a sali rumbo pa Noord caminda cu a bishita varios cas den e area di Palm Beach. Manera ta conoci partido AVP ta haci bishitanan coordina den tur bario na Aruba den weekend. Candidato riba lista y habitante di Palm Beach, Jeffrey Kelly a compaña e caravana di Prome Minister Mike Eman na momento cu a drenta varios cas na Palm Beach pa asina combersa cu e habitantenan. Segun Kelly e recepcion tabata hopi caluroso, caminda cu a saluda habitantenan y naturalmente a skucha nan peticionnan.
Parlamentario Kelly a splica cu aña pasa a pone luz den algun di e cayanan den Palm Beach. E mesun area aki ta esun cu a ser afecta gravemente pa yobidanan fuerte aña pasa, pero Gobierno a sa di duna e atencion mereci na e daño causa den e area aki y na mesun momento a skucha peticionnan cu tin pendiente. Parlamentario Kelly a splica cu durante ultimo simannan su persona ta haciendo bishitanan den area di Cunucu Abou, Palm Beach y Monserat y ta sinti cu e sosten pa partido AVP ta hopi grandi. Ta obvio cu Pueblo di Aruba y Pueblo di Noord en especial ta realisa cu ta berd’e ta!
