Diasabra 6 april, Parke Nacional Arikok lo ta organisando e prome Nochi di Pelicula pa 2019, unda lo presenta 2 documentario di e serie di BBC, ‘Planet Earth II’, episodionan “Grasslands” y “Cities”.
Bishitante di tur edad ta bon bini pa bin disfruta un anochi placentero bow di e tremendo cielo di nos parke nacional. Asina parke kier sigui crea concientisacion di e importancia di nos naturalesa.
E anochi di pelicula ta completamente gratis cu posibildad pa cumpra algo di come y di bebe na prijs rasonabel.
E anochi di pelicula lo tuma lugar desde 7:30 pm pa 9:30 pm dilanti ‘Centro di Bishitante’ di Parke Nacional Arikok.
Pa mas informacion bishita nos pagina di facebook; Facebook.com/ArikokNationalPark
Nos Naturalesa… Nos Futuro…
