Awe, diabierna, 1 di December, e comunidad Sabano ta celebrando nan dia, esta Saba Day. Pa e ocacion aki, Su Mahestadnan Rey Willem-Alexander y Reina Maxima tey presente pa asina forma parti di e celebracion aki hunto cu gobernador di e isla, sr. Johnson.
Tambe Secretario di Estado Raymond Knops ta hunto cu nan. Durante e bishita aki lo bay pone atencion, no solamente na e celebracion di Saba Day, pero tambe conservacion di naturalesa riba e islanan BES y e trabaonan di reconstruccion cu ta andando despues di horcan Irma. Esaki ta relaciona cu nan bishita di dos dia na St. Maarten, Saba y St. Eustatius. Ya caba e dia anterior, esta 30 di November, nan tabata tey na St. Eustatius. Finalmente e pareha real lo bishita St. Maarten dia 2 di December.
