Meverly Romano a splica di un otro banda, pa brommernan si, tin plachi di number nobo. Pa aña 2018, e plachi ta bira blanco cu oranje, dus fondo blanco y cu letter y cifra oranje.
Deseo y plan pa futuro
E ta sigui comenta cu nan tin deseo y tin plan. E no ta un soño mas pasobra ta algo hopi necesario. E ta necesario awor aki pa e sistema di plachi di number cu ta uzando awor aki, e tin cu cambia. Ta uzando un plachi di number cu den su tempo, tempo cu el a wordo introduci e tabata funciona bon, pero awor aki tin mucho hopi auto riba caminda. E controlnan ta bira hopi mas hopi pa polis tambe. Tin cu cambia e sistema, tin cu cambia e tipo di plachi tambe. E plachinan actualmente ta ordo falsifica tambe. Tin indicacion di esey. Tin cu bin un cambio. Y e deseo di Departamento di Impuesto ta, cu ya pa algun aña pa bin cu plachinan duradero. Awor aki ta planea pa introduci e plachinan entrante aña 2019, pero atrobe, ta depende tambe di kico Gobierno tambe ta dicidi of kico gobierno su deseonan ta. Pasobra a base di e deseonan di Gobierno, of di e minister concerni, lo por fiha un plan e ora mas concreto pa aña 2019, pero e ta keda un deseo y un plan pa por introduci plachinan duradero caminda cu ta haya e calidad ta hopi mas, e ta bay hopi mas aña. Por keda dicidi tambe cu hasta bo por hinca un cierto chip den e plachi caminda cu e polis ta djis scan for di su auto mes, e number riba caminda y esey ta posibilidadnan cu tin. Pero tambe mester tene cuenta cu e presupuesto. Esey tambe ta algo cu tur cos mester wordo poni den un solo contexto, un solo evaluacion y pa na dado momento un desicion mester wordo tuma pa wak si kico ta haalbaar pa aña 2019 y kico ta haalbaar pa e aña siguiente. Esey ta cosnan cu mester evalua ainda. A papia cu un stakeholder, un compania Aleman cu ta dispuesto pa yuda cu e plachinan, pero manera cu tur proyectonan grandi. Esaki lo mester bay den un destaho publico. Pero esakinan ta detayenan. No ta un proyecto cu ta facil. E ta un proyecto cu ta encera hopi. E ta un proyecto cu por hasta encera otro ministerio, por ehempel ministerio di husticia. Si bo kier envolve tambe e participacion di Cuerpo di Polis tambe den henter e proyecto. Ta algo hopi grandi cu mester wordo dicidi ainda, pero esey ta e idea pa dado momento Aruba por introduci plachinan duradero pa nos autonan cu ta riba caminda.
