Dia 30 di april 2021 a declara dr. José Gregorio Hernández oficialmente Beato door di Papa Francisco. Esey ta haci cu Fundacion Venerable José Gregorio Hernández lo celebra pa prome biaha den e luna aki, un nobena na honor di Beato José Gregorio Hernández. Lo prepara pa su fiesta cu ta dia 26 di october, dia di su fecha natal.
E fundacion ta prepara un nobena biblico pa e ocasion. Cada dia ta bay tin un reflexion diferente cu su intencion pa cada dia.
E skema di e diferente dianan di e nobena ta manera ta sigui:
- E prome dia ta dedica na tur hende malo y nos adultonan mayor
- Di dos dia ta dedica na nos mayornan
- Di tres dia ta dedica na nos mucha- y hobennan
- Di cuater dia ta dedica na matrimonio
- Di cinco dia ta dedica na Iglesia, Papa y Clero
- Di seis dia ta dedica na esunnan den necesidad
- Di shete dia ta rosario bibo y ta dedica na tur dokter y esunnan cu ta traha den salubridad
- Di ocho dia ta dedica na nos gobernantenan
- Di nuebe dia ta dedica na henter mundo
Pa e di nuebe y ultimo dia di e nobena ta pidi tur hende bin cu nan bela pa ofrece na nos dushi Mama Maria. Durante tur e dianan di e nobena, ta bay tin macuto na entrada pa pueblo por haci donacion di comestibel pa tur cu ta den necesidad.
E nobena ta cuminsa diadomingo dia 17 di october pa 7:00 pm y lo sigui asina pa tur e nuebe dianan na e Sitio di Oracion, situa na Tanki Leendert 128. E fiesta mes ta bay ta diamars dia 26 di october pa 7:00 pm.
