Universidad di Aruba lo tene un Open House pa tur futuro studiante cu kier sigui nan estudio academico cerca nan. Esaki lo tuma luga dia 15 y 16 di october proximo.
Diabierna 15 di october lo tene un Open House pa e programanan (FEF, FdR, OGM & SISTEM) y diasabra dia 16 di october lo tene un Open House pa e studiantenan cu ta interesa den sigui un estudio den e programanan (AFY, FHTMS & SWD)
Un di e studiantenan cu actualmente ta siguiendo su estudio academico na Universidad di Aruba ta Leonardo Figaroa, di 20 aña. E ta siguiende e programa FDR (Faculteit der Rechten) na Universidad di Aruba.
Prome cu Universidad, el a studia na Colegio Arubano y despues el a dicidi di haci FEF, unda cu el a logra haal su propedeuse, den un pandemia, cu tabata hopi cu hopi reto pa despues el a drenta den Facultad di Ley. Eigenlijk su prome choice tabata OGM y door di e pandemia e no tabata por a haal su TOEFEL test y el a cualifica pa drenta FEF y na final, e no ta arepenti di esaki. Tabata un aña cu el a siña masha hopi mes. Pero semper su bista tabata dirigi ariba ley.
KICO EL A GUSTA DI LEY
Leonardo, cu no ta un cara desconoci den e mundo politico, mirando cu el a participa den ultimo eleccion parlamentario. Semper el a sinti su mes atrae pa sa mas di bo derechonan. Ta compronde mas di e aspectonan politico ora cu sa mas di ley. Motibo pa cual cu el a keda Aruba y no sigui studia na Hulanda, tabata pa motibo financiero y tambe pa su mama. Tambe ora cu el a acerca otro studiantenan, kico tabata na experiencia na Aruba, nan a conte cu nan experiencia tabata igual. Cu na Aruba tin mas atencion, tin un comunidad y pa Leonardo esey a hala su atencion. Semper e tabata kier a sigui su scol y no kier a stop. E tin un aña na Universidad, unda cu e ta siña un tiki mas di su mes y di su carera academico.
Aña pasa e studiantenan mester a forma parti di un programa di diesdos workshop di Shoco Wellness, un organisacion cu ta yuda studiantenan no solamente ora cu nan mester un hende pa papia cu ne, pero tambe ta duna workshop pa abo como persona desaroya bo mes. Segun Leonardo, esaki a contribui cu ne mes personal, e ta hopi agradecido pa brinda e plataforma aki. recientemente tambe den Facultad di Ley, nan ta pone hopi enfasis riba kico mas bo ta haci, kico extra. No solamente bin scol pero con ta aplica locual a siña den realidad. Y e studiantenan ta bezig ta volg un seminario di Human Rights cu tambe a wordo brinda door di students Centre for Lifelong Learning. “Y esaki tur ta contribui na ken ami ta,” Leonardo a bisa, “como lider y como persona”. Pa tur hoben eyfo, cu tin duda, e pregunta ta ora di caba Colegio Arubano e pregunta ta kico pa haci. Universidad di Aruba ta brinda un bon plataforma, un fundeshi solido.
DECISION
Universidad di Aruba no tin hopi programa, nan ta ofrece seis Academic Foundation Year, pero pa Leonardo su mensahe na e hobennan cu ta cla pa subi avion pa bay Hulanda, ta cu e tambe tabata ta den nan posicion. Amigo ta influencia un studiante, pa bay Hulanda, ya cu Hulanda tin mas oportunidad. Esey ta un di e argumentonan mas uza. Pero hopi hoben ta subestima Universidad di Aruba. Leonardo su prome aña na Universidad tabata uno dificil, no solamente door di Covid-19, pero e hecho di wak tur su amigonan subi avion bay Hulanda. Pero el a compronde cu e fundeshi mester ta solido, y esey ta loke Universidad ta brinda. Tambe tin oportunidad di ‘Exchange Programs’ y tin ora ta haya charla di docente di afo. Ultimo te hasta Presidente di Hoge Raad a bin duna un charla y tur esakinan ta sostene den su decision, cu su decision tabata esun corecto.
No ta manera cu un studiante na Aruba tin falta di algo. Loke ta mas bunita ta cu si e studiante termina su Bachelor’s na Aruba, su estudio ta acredita cu despues di esey e por sigui su estudio na Hulanda. Financieramente e ta sali menos placa, pero riba tereno profesional como hoben, su preparacion no ta falta di nada. Tin tur e actividadnan extracuricular y tur e actividadnan tambe cu bo por forma parti di e comunidad di Universidad Aruba, e networking y por siña di otro. Esey ta algo hopi bunita, e klasnan ta hopi chikito, cual ta haci cu tin hopi mas atencion pa e studiantenan.
