Despues cu porfin Polis a logra detene e ultimo fugitivo, awe marduga pa 00.59am KIA a informa cu for di nan “Jeugd afdeling” a huy e rumannan RAMIREZ Jorge Antonio, naci net riba un dia manera awe pero 20 aña pasa, 15-08-1999 y RAMIREZ Joander Anthony Alexander naci dia 23-09-2000. Ambos detenido ta sintando un condena pa atraco arma. Probablemente e huymento ta como regalo di hacimento di aña di un di e presonan.
Mesora a mobilisa tur autoridad necesario pa buskeda di dicho fugitivonan. Polis a subraya cu cualkier ayudo brinda na e fugitivonan ta castigabel den nos codigo penal.
Articulo 2:146 di nos codigo penal ta papia di esun cu libera of yuda na liberacion di un preso cu ta sintando un castigo di prison, ta castigabel cu maximo 4 aña di prison.
Ta urgi pueblo cu si por sa algo di nan paradero of e sitio cu nan ta scondiendo, pa yama tiplijn 11141. Bo anonimidad ta wordo garantisa.
