Sea e miho y gana e premio di Guardian Group Fatum: Best in Business Award Aruba 2019

Debi na e desaroyo economico na Aruba, e empresanan ta obliga di keda constantemente den cambio. Esaki ta trece retonan continuo cual ta parti di haci negoshi. Guardian Group Fatum Best in Business Award Aruba ta reconoce empresanan cu ta capaz pa actua contra tur reto poniendo tur pasion pa alcansa excelencia, keda cu impulso pa innova y sigui traha duro pa e empresa crece y bira exitoso.

Den e conferencia di prensa tabata presente Madel Jacopucci, encarga cu comunicacion y evento di Guardian Group; Jacques van der Scheer, Managing Director di Guardian Group Fatum y Illiëne Corsen
d&i Business Support Services.

Sea e miho y gana e premio di Guardian Group Fatum: Best in Business Award Aruba 2019

Sea e miho y gana e premio di Guardian Group Fatum: Best in Business Award Aruba 2019. Click e link pa mas https://24ora.tv/2KAGlFq

Posted by 24ora on Wednesday, August 14, 2019

E aña aki pa di tres biaha, Guardian Group Fatum lo otorga e premio di Best in Business Award Aruba! Tur compania cu ta contribuyendo na e desaroyo economico di Aruba den un of otro forma ta wordo invita pa participa/registra na Guardian Group Fatum Best in Business Award Aruba 2019.
E miho compania na Aruba ta gana un pakete atractivo di premio, 10.000 florin cash y mucho mas. Pero e mas importante ta e reconocemento di tur su clientenan y un carga di “publicidad gratuito”. Pa registra ta facil y ta tumabo solamente 5 minuut di bo tempo. Subi riba www.myguardiangroup.com y completa e formulario online. Pa tur esnan cu tin pregunta prome finalisa nan registration online, lo tin un sesion di Q&A diaranson 28 di Augustus na oficina di Guardian Group pa 2pm. Por inscribi pa cu e sesion aki.

E fecha di deadline pa registra ta dia 8 di September 2019. E cuestionario ta consisti di 15 pregunta y e ta na Ingles. E companianan cu participa lo wordo evalua door di D & I Business Support Services a base di e modelo di Excelencia Empresarial, di acuerdo y conforme e calidad di EFQM cu ta European Foundation for Quality Management.
E 5 companianan cu ta den e fase di mayor crecemento lo continua pa e ultimo tanda. E finalistanan lo wordo husga door di un bishita personal na su compania, un entrevista na radio y un presentacion di su of nan compania na un cuerpo di hurado profesional cu lo determina e ganado maximo. E ganado di e premio Best in Business Award 2017 ta Sr. Diederik Kemmerling di The Lab-Grow Marketing Solutions y e ganado Best in Business Award2018ta EwaldBrowne di InfinityLighting and Design.

Ademas di e Best in Business Award, Guardian Group ta introduci e aña aki e Best Business Concept Award. Den e ultimo añanan’ki na Aruba, a bin tuma nota di varios personanan cu ideanan original pa negoshi, pero ta scohe pa hasi esaki como hobby of sin establece e negoshi formalmente. Pa e motibo aki Guardian Group ta introduci e aña’ki e Best Business Concept Award. E award aki ta focus riba e personanan cu ideanan innovativo, inspirativo, creativo, y artistico pero no a establece su negoshi formalmente ainda. E personanan aki ta haya e oportunidad pa pitch nan negoshi y e miho lo gana e Best in Business Concept Award y Awg. 2.500,00 florin cash. Pues, registra awor, pasobra bo por ta e prome ganado.
E ganadonan di e Best in BusinessAwardAruba y Best Business Concept di Guardian Group 2019 lo wordo anuncia durante un cocktail party riba diabierna, 8 di November proximo.
E registracion pa tur dos Award ta via un formulario online den cual bo ta scoge pa cua Award bo ta registrando. Guardian ta spera hopi registracion.

Comments

comments