Otmar Oduber a bini dilanti diamars mainta cu algun declaracion relata na situacion di nos pensionado na Aruba, considerando esaki un situacion hopi inhusto y inhumano cu ta pasando cu nos grandinan ultimo tempo.
E politico ta bisa cu despues cu el a reuni cu OPPA, e lidernan di e partidonan grandi a lanta for di soño y tur a cuminsa corda riba pensionado. “Ora cu mi a corda nan cu mi a sinta cu OPPA, anto cu nos a realisa cu tin mas cu 26 mil pensionado na Aruba. Mas di diesocho mil di nan ta biba cu menos cu 800 florin akinan na Aruba pa luna,” Oduber ta comenta.
Esaki e ta bisa ta algo inhusto, algo inhumano, ni pa papia mes riba cantidad di hende cu no ta yega ni 300 of 400 florin di pensioen. Hendenan cu por ta a bin laat, no a participa completamente pa haya un volle pensioen, awe mester biba riba un miseria di placa. Pero e gran mayoria di Arubiano cu a traha henter nan bida, casi 18 mil grandinan ta biba den un situacion fastioso. “No ta husto. Y nos ta tende esaki ta bira un topico principal? Pa gobierno no.”
Lesa mas riba TREMPAN.
