Oranje Fonds a start awe cu su buskeda pa proyectonan excepcional cu por tin chens pa gana un “Appeltje van Oranje 2020”. E tema di e aña aki ta ‘Amigo bo ta hunto’ y e premionan ta toca proyectonan amigo; proyectonan den cual hende ta yuda otro bay dilanti y ta keda sostene otro pa tempo mas largo. Por registra te cu 6 di october 2019 pa medio di oranjefonds.nl/appeltjes. Tres iniciativa lo ricibi den luna di mei 2020 un Appeltje van Oranje for di man di Reina Máxima.
Den Reino tin hopi hende cu pa un motibo of otro, por uza un yudansa. Pa e motibo aki, boluntarionan cu kier bira nan amigo y kier yuda, ta indispensabel. Afortunadamente tin hopi proyecto cu riba tur sorto di tereno, ta trece tur sorto di hende hunto: Hende cu ta malo y/of solitario, hende cu despues di un periodo duro tin problema pa sigui cu nan bida, of esunnan cu mester di guia personal pa siña nos idioma of pa desaroya nan talentonan. Caracteristica di e proyectonan aki ta cu ambos amigo ta enrikece bida di otro.
Oranje Fonds kier demostra e versatilidad y ta balora e proyectonan di mas bunita cu un premio. Pasobra amigo bo ta hunto: Ya cu hunto bo ta yega mas leu. Hunto ta haci nos pais un tiki mas bunita. Pa e motibonan aki ta busca e motornan tras di proyectonan social exitoso, cu nan enfoke amigo, nan forsa innovativo y pasion tin un storia hopi special pa conta con nan ta contribui na un comunidad mas social. Ken ta miho den mara amigo na otro, unda ambos ta satisfecho pa coopera di modo cu riba termino largo ainda ta bal hopi pa otro?
Amigo
Peter Douwes, Director di Oranje Fonds: “Pa añanan largo nos ta sostene proyectonan den cual amigonan ta balora e reprocidad di nan contact enormemente. Boluntarionan ta registra mayoria bes pasobra nan kier duna sosten na un prohimo. Practica ta keda mustra cada bes atrobe cu nan mes tambe ta siña hopi di esaki y tin enorme placer den locual nan ta haci. E sintimento di un pa otro ta haci e enfoke amigo aki asina exitoso. Asina nos ta traha hunto na un sociedad na cual tur hende por participa.”
E premionan
Cada aña ta haci entrega di Appeltjes van Oranje na tres iniciativa cu na un manera exitoso ta trece diferente grupo di hende hunto of cu ta percura cu hende por participa atrobe den sociedad. Tur ganado di un Appeltje van Oranje ta ricibi un statua di brons, crea pa Princes Beatrix y un suma di placa di 15.000 euro. Tur aña Reina Máxima ta haci entrega di e premionan. Den añanan di aniversario, esaki ta keda efectua pa Rey Willem-Alexander.
Oranje Fonds
Oranje Fonds ta boga pa niun hende no sinti nan mes exclui y pa tur hende por participa den comunidad. Pesey tur aña ta sostene miles di proyecto cu ta trece hende hunto. E sosten ey ta consisti di placa efectivo, atencion y conseho. Rey Willem-Alexander y Reina Máxima ta pareha protector di Oranje Fonds.
