Dialuna, 25 di Maart a wordo anuncia cu Op=Op na Hulanda lo bay bancarota. Op=Op Aruba y Corsow no ta afilia di ningun manera cu Op=Op na Hulanda como cu e frankesa aki tin otro inversionista na ambos isla. Pa e motibo aki e kiebro no ta aplica pa e sucursal nan local.
E motibo di e kiebro di e frankesa Hulandes tin di haber en particularmente cu e huur sumamente halto cu a wordo estableci pa un periodo largo cual ta hasi cu algun di e 130 tienda nan no por cumpli cu e suma halto aki.
E expectativa ta cu e frankesa lo cuminsa di nobo den un escala mas chikito. Den e proximo luna nan lo bin na cla con Op=Op na Hulanda lo continua; mientras tanto e tienda nan lo permanece habri. Ta importante pa enfatisa cu e situacion na Aruba y Corsow no lo cambia na e momento aki. E tienda nan lo sigui ofrece un variacion di marca nan renombra na e mihor prijs cu e team existente di Op=Op.
