Den conexion cu awareness week, Fundacion Muchila Creativo a organisa diabierna 20 di mei, un Expo y feria di Arte y Diversidad Den Nos Comunidad na Centro di Bario Dakota di 5:00 pm pa 9:00 pm, unda tur hende tabata bonbini pa celebra cu e diversidad y inclusion di personanan cu capacidad diferente.
Instancianan manera FAVI, FUNARI, FEPOH y Fundacion Autismo tambe tabata presente y a duna informacion. Tabatin diferente presentacion, un tayer di terapia di arte y por a participa na diferente actividad di arte. Tabatin oportunidad pa haci donacion y participa na nos raffle pa por gana diferente premio.
Awe, diasabra 21 di mei Muchila Creativo a organisa tambe un Open House na su edificio den Caya G.F. Betico Croes 110 (Dilanti Botica Oduber) di 2:00pm pa 6:00pm. E meta di e Open House ta pa comunidad di Aruba cera conoci cu nos Fundacion y special cu nos scol. Muchila scol secundario pa hoben special, entre 16 cu 25 aña, ta un scol cu ta guia studiante cu capacidad diferente a traves di arte. E evento a conta cu tayer di musica, teatro, arte visual y mas.
Mescos cu diabierna, e participacion tabata completamente gratis y lo tin benta di snacks y bebida. Tin oportunidad pa inscribi
pa e aña escolar nobo. Cupo ta limita. Pa mas information por bishita e facebook page di Fundacion Muchila Creativo.
