Diasabra marduga a nota chauffeur di un Toyota Hilux a dal y causa daño na un patrimonio importante riba Plaza Turismo, esta Linear Park. Ta e patrimonio cu ta recorda e binticinco aña den Reino Hulandes y e bishita di S.A.R. Reina Beatrix na aña 2011.
Un grupo di persona tabata para cu nan jug dilanti e Plaza. Ora cu e chauffeur tabata reverse e pickup, Hilux numera A48184, no a nota y dal y causa daño na e patrimonio.
Riba su mes, el a haci manera nada a pasa, e no a conta cu otro banda tabatin un miembro di prensa atento para cu a capta henter su movecion. A acerc’e y bis’e mesora; sea bo ta avisa polis of nos ta avisa polis. Polis a tuma tur informacion necesario y a documenta e caso aki. Awo ainda, e departamento concerni no a atende cu e situacion aki.
