Diabierna anochi alrededor di 11:30 pm polis a presenta na rotonde Tarabana p’un supuesto accidente. Na nan yegada, ya a e vehiculo envolvi a bandona caba. Testigonan a conta cu a mira e auto ta bay direccion pariba. A cuminsa cu un buskeda mesora. Na altura di Maiky’s na Hooiberg a logra duna e auto señal pa para.
E auto marca Hyundai modelo H-1 tabatin basta daño parti dilanti, e taira robes dilanti tabata gekap, pa cual tabata core riba rim. A detene e chauffeur bou sospecho di stuur auto bou influencia di alcohol. Den un transporte policial a hib’e pa warda di polis.
