Siman pasa, durante e prome reunion anual di e Hunta di Directiva di Camara di Comercio y Industria di nos pais, e 7 miembronan a vota pa e diferente puestonan den e organisacion. Ey a eligi Omar Tromp como presidente y Wanda Broeksema como vice-presidente pa e aña aki. Cu esey e presidente saliente Satish Daryanani a tuma despedida di e Hunta di Directiva di Camara di Comercio.
No ta prome biaha cu e Omar Tromp ta asumi e funcion di honor aki, pasobra na aña 2014 caba e tabata presidente di Camara di Comerio y consecuentemente a dirigi e organisacion di comercio y industria di nos pais. Mescos cu na 2014 cu tabata aña cu CAft a drenta Aruba tabatin hopi reto, e aña aki no lo ta menos, memey di un pandemia, cu retonan pa cumpli cu medidanan di Hulanda pa haya fiansa y riba dje, cu eleccion parlamentario na september.
Pero pa mas informacion y pa cera conoci cu henter e directiva nobo di Camara di Comercio y e retonan di aña pasa y e aña aki, subi TREMPAN pa lesa e relato amplio y completo.
