Como parti di e entrevista extenso cu 24ora.com a realisa cu director di Fundacion Respaldo e siman aki, a puntr’e tambe tocante e proceso di determina ken ta e pashentnan cu mester bay cas. Esaki teniendo na cuenta e preocupacion di familiar y tambe esun expresa di parti di agentenan policial. Dr. Hendrikus van Gaalen a splica cu a papia cu tur hende envolvi y tambe a tene cuenta cua ta e manera mas bentahoso pa e cliente. Ta trata di un grupo di diesocho pashent.
Dr. van Gaalen: “Claro cu nos no kier pa nan bay riba caya. pero bo no mag di laga Respaldo bay failliet tampoco, pasobra e ora ey mas ta perde. A scoge pa e grupo aki pasobra 18 pashent so. Por a scoge pa otro grupo, pero a opta pa ambulante zorg haya tratamento mas cerca di nan cas. Nos mester un garantia paso si no logra na october lo ta pio.”
E profesional di psikiatria a bisa cu na prome luga a a papia cu nan mes un empleado pasobra nan tambe tin stress y miedo di perde nan trabou. Siguientemente siman pasa a papia cu e clientenan, kendenan a reacciona di un forma trankil na e noticia. Atrobe e siman aki a papia cu nan y cu nan famia pa satisface tur duda cu por tin di con e tratamento lo continua. E director a comparti cu te hasta algun pashent ta entusiasma cu e idea di por ta menos cera y mas den contacto cu exterior y di por socialisa. Esaki na su bes, ta nifica menos stress.
Pa e relato completo, lesa TREMPAN
