“Nos stima boso pais, e ta caluroso, contento y cu hopi brisa; nos ta pasando un vakantie excelente y lo bin bek sigur.”
Esey ta loke C. Retti y M. Huettner, dos docente retira for di Florida y New York a bisa riba nan prome vakantie riba e isla. Nos a topa cu nan na Cafe the Plaza den Renaissance Marketplace den centro di Oranjestad, unda cu nan a pidi hamburger, sopi y salada. Con nan a haya sa di e restaurant popular, cu ta keda net na ultim skina di e Marketplace? “Un empleada di Colombian Emeralds a bisa nos di Cafe the Plaza,” ta loke nan a contesta.
Nos ta hopi contento cu e dos docentenan retira aki lo bin bek Aruba riba nan proximo vakantie. Pasa pret y nos ta topa pronto!
