Diahuebs pa mas of menos 3:00 am, polis a presenta na Lux Villas na Bubali pa un problema entre amiga.
Ta trata aki di tres amiga, di cual un tabata bao di influencia di alcohol, tabata causa problema.
Eynan polis a bin compronde cu ta trata aki di un problema cu tin algun dia ta andando caba. Esaki a start den un club nocturno den e area di hotel.
Polis a intermedia pa por trece paz entre e amiganan, pero esaki no a bay facil, mirando cu e amiga cu tabata bebi, tabata haci e situacion mas dificil ainda. No a keda nada otro cu detene.
Cu awa na wowo, e mester a bay warda pa asina e medita riba su comportacion.
