Despues cu diaranson atardi laat pa anochi a presenta un grupo di sostenedor di Parlamentario Benny Sevinger na warda di Santa Cruz, a mira cu mesora mando Policial Vanessa Tjon Kock a dicidi pa pidi DOW pone baricada na warda di Shaba. E hendenan di Benny Sevinger na warda di Santa Cruz parce a bay acompaña famia cu a bay hiba paña. Den un caravana nan a sali y yega blokia dilanti warda di Santa Cruz caminda Benny Sevinger ta cera.
Polis a handle cu e situacion. Pa evita cu esaki lo ripiti, mesora a avisa mando policial. Altocomisaro Vanessa Tjon Kock, cu ta casa di Rocco Tjon cu a hiba e denuncia na Ministerio Publico relaciona cu caso Avestruz, a core activa DOW. Asina cu unidadnan policial cu lus blauw y sirene a habri caminda pura pa sali cu personal di DOW pa hiba baricada pa blokia caya na entrada cu ta bay pa warda di Shaba. Mester bisa cu nada a pasa y baricada a keda canto di caya sin wordo usa. Kier a evita cu e caravana ta drenta blokia tur cos dilanti warda di Shaba.
