Diahuebs pa mas of menos 1:00 am, un habitante di Solito a pone polis na altura cu tabatin porta di un casita na candela, cu tabata menos di dos meter leu for di un edificio.
Eynan polis a topa cu e situacion cu e candela tabata basta grandi y cu tabata causa molester di huma. Esey a haci cu a pidi asistencia di bombero cu maximo urgencia pa nan por combati esaki.
Nan a sa di domina e candela, treciendo trankilidad cerca e bisiñanan.
