Tin un grupo di persona cu kier forma un directiva nobo pa asina rebiba Club Boneriano. Pa haci esey nan a yama un reunion, unda a invita e miembronan bieu pa ta presente. Aki e grupo cu kier lanta e directiva nobo a presenta nan plannan, pero tambe a scucha e miembronan bieu.
Nicole Hart, miembro nobo pa rebiba Club Boneriano, a splica cu nan ta un grupo profesional descendiente Boneriano of ta Boneriano a bini hunto cu e amor nan a siña di nan welonan of mayornan riba e pasion di cuminsa bek un Club Boneriano nobo. Esaki no ta solamente p’e comunidad Boneriano, pero tambe pa e comunidad San Nicolas cu merece un luga unda pa bini hunto.
Nan ta hopi recien y esey ta significa cu esey tabata e parti cu nan tabatin unda a invita tur miembro of comunidad Boneriano na Aruba pa scucha nan plannan. E plannan aki no ta pa un meta corto, pero uno duradero, mas largo. Mas o menos cincuenta persona tabata presente n’e reunion aki, kendenan siguramente a forma parti di Club Boneriano den pasado. Diadomingo nan tabatin e oportunidad pa duna nan opinion y tambe kico ta mira cu ta esencial p’e comienso nobo.
Awo ta den un fase trempan den e proceso, unda cu ainda nan mester sinta cu otro y bisa con ta bay planifica algo cu ta bay crea sostenibilidad como movecion pa un biaha mas por tin un luga exitoso.
Pa mas lesa TREMPAN.COM.