tabata un anochi yena di alegria y emocion ora e autor a menciona dicon a scoge e lansamento den luna di maart. Durante di maart nos ta celebra cultura, Dia di Trahado Social y tambe hende muhe y pa Nicole esaki ta importante. Riba e 27 di maart, cual ta fecha natal di su tata (q.e.p.d) y tambe cu e buki ta dedica na su mama Sylvia Alicia Godett (qepd) cu ta hopi conoci na San Nicolas como educado y politico.
Nicole a sigui splica cu basta aña pasa el a cuminsa comparti diferente combersacion entre e y su yiunan via Facebook y esaki tabata haya basta reaccion. Na 2022, el a dicidi cu e lo skirbi un buki y na prome instante no tabata tin un topico pero despues el a corda riba un comentario di su ex docente di kleuter Juf. Hetwig Kuiperdal cu a conseh’e pa skirbi un buki di tur e combersacion aki y esaki a bira un realidad.
Nicole a gradici UNOCA y Departamento di Cultura Aruba pa kere den su proyecto y a apoy’e durante e proceso di realisa su buki. Manera menciona, e buki ta un compilacion di yen diferente combersacion/storia entre Nicole y su yiunan Nayah y Nimah. E buki ta demostra con valioso e ta pa comunica cu bo yiunan tocante tur tema pero tambe e ta mustra forsa, debilidad y amor di un mama.
Locual ta haci e buki aki unico ta cu e ta skirbi na Ingles di San Nicolas, Papiamento y Hulandes pa mantene e experiencia di lesamento uno varia y unico pa e lesado. Mas aleu, Nicole kier a gradici su Tante Alice van Romondt cu tambe tabata tin un rol clave den e proceso y tambe famia y sernan keri miho conoce como su tribu pa nan sosten y apoyo.
E bunita cover ta un colaboracion artistico entre Nicole y su pareha Tivon Whitfield. E buki “Raising Queens” ta obtenibel na De Wit & VanDorp y Plaza Bookshop, tambe por acerca e autor mes riba su social media.
Mensahe di autor Nicole E. Godett: Niun soño ta imposibel! Manifesta e bida cu bo ta desea y traha duro pe!
