Diamars anochi staff y personal di New India Assurance N.V. a celebra apertura di e edificio nobo situa na caminda grandi na Camacuri.
Kaveri Raghunath, Director General di New India Assurance a cuminsa na bisa cu na Irausquin Boulevard, nan a purba na innova mas posibel, pero e negoshi y e team ta crece. Asina nan a bin n’e idea pa traha un edificio nobo, unda cu e ta adapta n’e necesidad di e cliente, pero tambe unda cu e team ta sinti su mes mas confortabel pa duna e servicio cu nan ta desea pa e cliente ricibi.
New India Assurance N.V. ta ofrece servicio di seguro pa vehiculo, contra candela, seguro pa compania, liability insurance y asina tin mucho mas.
Pa loke ta futuro, Kaveri Raghunath di New India Assurance a bisa cu e idea di e edificio nobo ta precisamente pa nan ta mas innovativo, cu ta mas habri y mas caluroso pa nan clientenan. Den cuadro di esaki nan lo sigui innova mas p’asina sigui duna e miho servicio na nan clientenan.
New India Assurance a cuminsa mas di 60 aña pasa, cu C.H. Raghunath como e prome director. El a cuminsa como un negoshi di famia na San Nicolas. Despues nan a muda bay Paardenbaaistraat y di eynan a muda pa J.E. Irausquin Boulevard. Y awo nan a muda pa nan edificio nobo, situa na Camacuri 3-G, net banda di Motor World (agencia di e marca di auto MG) y tambe cerca di Departamento di Impuesto.
Nan orario ta di dialuna pa diabierna, for di 8:00am te cu 5:00pm. Por tuma contacto cu nan via number di telefon 526-4800 of tambe, via nan number di whatsapp cu ta 593-4700.
