Den presencia di Den Dje cu Ivo y Zayon Yanez conhuntamente cu Tsunami a presencia un tremendo show di cual Nagico a corona su reina pa e temporada di Carnaval 65.
Candidatanan pa Reina di Nagico mester a presenta su arte y creatividad pa asina por a ser eligi como e ganadora absoluto. 3 candidata a participa pa asina conkista e corona y titulo di Queen Nagico Aruba 2019.
E 3 participantenan den nomber di participante; number 1. Saskia Rosina, number, 2. Julysie Maduro, y number 3. Rashella Danje. Hurado di anochi tabata den persona di Ivo y Zayon Yanez, Sra. Carnaval 1988 Sita Alvarez-Obispa, y por ultimo nos reina di Oro Ziziane Flemming di Carnaval 50. Na final a elegi candidata number 2, Julysie Maduro cu a gana e titulo maximo! Pabien na e candidatanan cu a duna un bunita presentacion y a demostra nan potencial como reina di Nagico.
Un gradicimento ta bai na Prins & Pancho di Carnaval 65; Charles Rafine y Micheal Quandt ken a guia e proceso di elegi e Queen Nagico Aruba 2019. Durante e presentacion di Queen Nagico Aruba 2019 por a alavez presencia un gran publico dilanti di e oficina di Nagico Dakota den un gran ambiente.
Un danki na Den Dje, TeleAruba, Tsunami, y tur cu tabata presente duranta di e anochi aki. Pabien un biaha mas na Queen Nagico Aruba 2019, Julysie Maduro.
