E comercio entre Punto Fijo (Venezuela) y islanan ABC (Aruba, Boneiro y Corsou) ta floreciendo. Sinembargo e infrastructura na e pais bisiña ainda no ta cla. Esaki debi na e echo cu el a keda hopi aña para pa cual awo un grupo kier inverti pa mehora e infrastructura.
Durante un reciente encuentro na Punto Fijo entre autoridadnan gubernamental y inversionistanan, a bini dilanti e intencion pa drecha un infrastructura importante den e waf di La Vela.
A informa cu e proyectonan cu tin empresarionan y gobierno di estado Falcon pa sigui conecta Venezuela cu Boneiro, y Corsou lo crece den 2024, y a informa di biaha cu nan ta spera cu pa luna di mei awo lo por tin activo e ruta maritimo pa pasaheronan atrabes di e empresa Caribbean Fast Ferry.
Juan Gotopo, den representacion di Camara di Comercio di La Vela, a informa cu Iliana Martínez, representante di e compania Caribbean Fast Ferry, a anuncia cu nan lo construi un viaducto na e waf internacional di Muaco, ubica na La Vela cu na aña 2017 a cay den otro door di falta di mantencion.
Tambe nan lo recondiciona e instalacionnan pa ricibi e turistanan y henter e proceso migratorio, pa e ta den excelente condicion pa luna di mei, fecha riba cual ta calcula cu lo cuminsa e biahenan maritimo.
Pa relato amplio lesa TREMPAN.
