E team special di polis cu ta controla permiso di establecimento, esta Sectie Bijzondere Verordering(SBV) tabata activo diasabra anochi. A controla varios establecimento, di cual a cera algun tambe. Ora a bay controla Cas Casuela na Tanki Leendert, a topa cu dos trahado sin un permiso valido.
A detene ambos, den un transporte policial a transporta nan pa Guarda Nos Costa caminda e proceso di interogacion lo inicia. E propietario di Cas Casuela no a scapa, aunke e tabatin su permiso di e bar y demas documento na ordo, a dun’e multa pa emplea persona sin un permiso valido. Asina e team special aki a sigui, controlando establecimento nan rond di nos isla.
