Awe tardi alrededor di 2:40pm e alarma di candela den e edificio di DIMAS y DAO a activa. Consecuentemente riba 100 empleado y cliente cu tabata presente den e edificio pa ambos departamento di Gobierno, a haya nan forsa ta sali pafo lihe. No tabata necesario pa yama Brandweer pasobra masha lihe a nota cu ta e alarma di huma a activa den baño di hende homber, na e parti di DIMAS.
Ora cu a bay investiga, ta parce cu un hende a haci uzo di e WC y ora el a caba a uza un tiki “air freshener” di mas, di tal indole cu el a activa e alarma di candela di e departamento. Ken tabata responsabel pa esey no ta conoci, pasobra ora a drenta e baño no tabatin ningun hende mas den dje.
Internamente a desactiva e alarma dor di “by pass” e “huma” di hole dushi cu a keda para den e WC y asina por a sigui traha numa y brinda servicio na comunidad y tur esunnan cu sea ta eynan pa atende nan permiso di estadia y/of trabou of tabata na DAO atendiendo cualkier asunto di trabou.
