Den weekend di nos dia nacional, e sgrupo di Harley a topa. Aki ta trata di e grupo di Aruba mes, Boneiro, Corsou y di New York. Nan a yega Aruba dia 14 y ta participa na e di 21 “National Flag Day Ride” di e grupo di Harley Davidson “Camacuri”.
E grupo di Aruba a ricibi e coleganan y adelanta a haci tur preparacion pa nan bishita na Aruba, incluyendo un bishita na Ling’s Restaurant unda a come hunto y combersa. Hilva, e reina di Ling’s y demas coleganan a atende Iron Order.
Despues di e encuentro a sigui e ruta pa asina gosa di e weekend como grupo di motorcycle. E grupo di ARUBA Iron Rockets cu ta sport bike y ta resorta tambe bou di Iron Order tabata den e trip y union na Aruba. Iron Order ta enfoca hopi riba obranan caritativo y boluntario na tur e paisnan cu nan bishita.
