E hoben motociclista cu a accidenta den Tarabana Diaranson anochi ta recuperando satisfactoriamente. Ta traha aki di e hoben D.T. El a accidenta cu un auto. E impacto a causa cu el a dal su cabes. Ora cu ambulance a yega nan a hibe mesora pa Hospital. Na prome instante e tabata mustra critico cu sla serio na cabes. Polis hasta a sera caminda pa asina investiga e accidente. Amigonan y famianan tabata pidi oracion pa e motociclista accidenta.
Mientrastanto a mira riba rednan social cu diahuebs e tabata recuperando y aunke a haya sla fuerte na cabes, e tabata na tino. A post potret hasta riba FB y esey caba ta un bon noticia pa esnan cu tabata preocupa cu su situacion. E mes tabata come diahuebs aunke por mira cu e tin sla na cabes. Tabata spanta na prome instante pasobra e tabata tin manera un buraco na cabes cu tabata sangra basta. Cu e desaroyo di diaranson pa diahuebs den dia a mustra cu awor no por papia di un situacion critico mas. Un pronto recuperacion na e hoben aki.
