Tin mas candidato ta haya cu Evelyn Wever-Croes no ta lidera e partido na un manera profesional, cu e no ta tene cuenta cu e personanan riba su lista, con duro nan a traha si of no, segun Mireille St. Jago, kende te cu awe tabata forma parti di e lista di MEP. Tin un comision cu ta dun’e conseho y ta bay full ciego riba e conseho aki. No sa si e consehonan cu e ta haya ta bon si of no, pero ta peligroso pa un lider sigui conseho di otro hende ciegamente. Kier pa un lider cu ta para firme den su sapato pa pais Aruba.
St. Jago a scoge a haci esaki despues di a papia cu su famia, nan a bis’e di comienso caba pa no subi e partido geel pasobra nan ta racista y no ta bay yudabo y haci uzo dibo y di bo talentonan, uzo di bo persona na bienestar di nan mes, pero abo mes no lo progresa den e partido aki.
Den 4 aÒa largo e kier a proefnan robes. Esey tabata su deseo. E ta un persona cu si tin algo pa cambia, tin cu bay den e forma mes pa haci e cambio, pero no ta wak cu esaki ta posibel. E ora no ta keda nada otro pa retira di partido MEP.
St. Jago a splica cu na e momento aki ta bezig pa e mes tambe procesa e damnificacionnan cu esaki lo tin. si wak bon, e tin billboards rond di Aruba, cu e team y su mes a traha riba mes, lo mester bay baha nan. Eynan tin algun paso pa haci prome, prome cu bay den e direccion di subi otro partido. Conseho di St. jago semper tap a pueblo di Aruba scoge pa idealismo y no materialismo. Pa hende cu ta traha pa pueblo y cu tin un curason pa pueblo. Por imagina cu tin hende den tur partido cu tin curason pa nan pueblo. Pero pa scoge un partido e mester ta un partido cu no ta descrimina, cu ta inclui tur hende na Aruba y hasta hende cu ta LGBT. No por keda nenga nan derecho nan tambe.
St. jago a splica cu si e wordo acerca pa subi lista di otro partido, e lo mester ta un partido incluso, determina pa traha pa tur hende na Aruba, irespecto na unda b’a nace.
