Te cu awe Mireille Sint Jago tabata candidato riba lista di MEP y a anuncia cu e ta retira. Motibo ta cu e partido cu e tabata miembro di dje pa cuater aÒa, ta cu durante e cuater aÒanan aki, specialmente ora cu e tabata tin encuentro cu e lider, no por kita e duda cu si nan ta respeta hendenan di color, hendenan cu ta bin di afo pa contribui na nos dushi isla y tambe durante e debate di Millenials, por a mira cu no tin espacio pa esnan di LGBT. Esey ta tur cu el a wak durante di su combersacion cu lider di e partido, Evelyn Wever-Croes, cu e persona aki no ta e persona cu e lo confia pa lidera e futuro generacionnan di Aruba.
Eleccion di 2017, mester ta un eleccion caminda cu pueblo ta wordo informa debidamente. Den e ultimo cuater aÒa y den e aÒanan prome cu esey, semper St. Jago percura pa duna e informacion corecto. Y awor aki no lo ta corecto si e ta sigui riba e lista aki, si e ta sigui apoya su persona, cu tin porta hancho pa cierto di Aruba, y porta small pa otro. Specificamente si mira e Latinonan, esnan cu ta bin di Isla Riba, manera St. Jago mes, no tin e mesun apoyo, no tin e mesun ayudo pa e personanan cu ta bin di e otro islanan. St. Jago ta convenci cu si bo kier pa Aruba ta un isla pa ta exitoso, y tin un futuro exitoso pa un y tur, mester tin hende den Gobierno cu ta bay lidera e pais aki, na un manera husto. Y pa St. Jago no ta husto, si bo tin un lider di partido, ta descrimina esnan stranhero, Latino, Isla Riba, y hende di color, manera St. Jago y esey ta e motibo cu entrante awe, inmediatamente no kier forma parti mas di Movimiento Electoral di Pueblo.
Esaki ta algo cu durante di e cuater aÒanan cu e ta den e partido a pidi varios biaha pa tin un audiencia cu e lider y esey a tarda cuater aÒa.
20 di Juli, siman pasa diahuebs, tabata prome biaha cu a haya chens pa sinta na mesa cu e lider, pa por combersa. Durante e combersacion eynan, el a echt bin haya sa cu tin un porta hancho pa cierto hende y un porta hopi small pa hendenan manera e, pa stranheronan. E dia eynan tabata celebra dia di Independencia di Colombia y e mes no a aparece. St. Jago si a bay y a topa otro colega. Eynan por a mira cu e no tin e amor pa tur hende cu nos tin na Aruba. Pa bo lidera un pais, bo mester traha pa tur hende. No por trata cierto hende diferente. Mester tin un trato igual pa tur.
Cada candidato cu a logra menos cu 200 voto a wordo acerca pa nan por traha espacio riba e lista pa por bin mas hende riba e lista. Si bo ta un profesional y a logra 77 voto na 2013 y a lage bira un candidato pa un districto, na ultimo momento bo ta pone 9 candidato riba un districto, ya caba bo ta crea un situacion caminda cu ningun candidato por ta super exitoso den e districto eynan. Tin 7 districto 29 luga riba lista. E ora bo ta pone 4 maximo 5 riba lista pa San Nicolas. Eynan caba MEP no ta dunabo e chens pa bo por ta exitoso riba su lista, si bo ta un hende di color.
Segun St. Jago, den e cuater aÒanan aki, el a cuminsa stima e votadornan di partido MEP, pasobra nan a trat’e bon. Pa tuma un decision asina, mester pensa bon riba tur e consecuencianan cu esey por tin. Despues di un siman a dicidi cu awe ta basta, y cu e no kier sigui mas.
