Minister pa Asuntonan di Reino a haci un bishita na FHMD

462

Minister pa Asuntonan di Reino, Drs. Raymond Knops y su delegacion a haci un bishita di orientacion na Fundacion pa Hende Muher den Dificultad y a ricibi un recorido di e shelter y a haya un splicacion amplio di e trabou nan y plannan pa futuro. 

Aki Ministro President Sra. Evelyn Wever-Croes tabata presente pa ricibi e Minister Hulandes personalmente demostrando asina e importancia y responsabilidad social pa esnan den dificultad.

Fundacion pa Hende Muher den Dificultad tin mas di 24 aña ta haciendo trabounan grandi pa yuda hende muher y hende homber den dificultad di violencia domestico.

Danki na fondonan di Hulanda, pronto por expande proyectonan pendiente cu ta ensera 6 unit nobo den e prome fase. Despues tin pensa di agrega 9 mas pa e bira 15 en total. Durante e bishita aki Sra. Magaly Maduro, Coordinadora di e fundacion, a elabora riba tur e trabounan di FHMD y e proyectonan a corto plazo y contesta Drs. Knops su preguntanan mas detaya encuanto di e statisticanan di e fundacion.

Drs. Knops a mustra hopi interes y a expresa su admiracion pa e trabou cu e Fundacion ta haciendo y a bisa cu e tin pensa di bolbe e aña aki ainda na november pa mira con e proyecto ta bay ta desaroya.

Sra. Suzy Kock, Presidente di e Bestuur hunto cu otro miembronan di Directiva Sra. Yvonne Spellen y Sr. Jasper Fidler tabata presente.