Durante e conferencia di prensa ofreci dialuna mainta na sede di gobierno, Minister di Salud y Turismo, Dangui Oduber a contesta pregunta relaciona cu e posibel caso di Monkeypox cu Departamento di Salud Publico (DVG) a anuncia siman pasa. E mandatario encarga cu e dos cartera mas afecta si Aruba confirma su prome caso di e virus aki, a splica cu e resultado di e muestra manda pa test na Hulanda ta yega den transcurso di awe pa mañan.
Si esey ta e caso, DVG lo informa comunidad riba e pasonan pa tuma pa evita contagio. Ademas, e departamento tin un protocol y draaiboek cla caba pa ehecuta si esey bira necesario. Minister Oduber a admiti cu un scenario asina lo tin consecuencia pa nos turismo, afectando e proyeccion positivo cu tin pa e lunanan nos dilanti.
Ta bon pa enfatisa cu World Health Organization a emiti un declaracion di Alerta Halto riba e virus di Monkeypox, cual ta hopi diferente na declara e malesa como un pandemia. E mandatario ta spera cu e cifranan rond mundo no ta aumenta pa asina no mester yega na e punto ey.
Pa e relato completo, lesa TREMPAN
