Pa 2’or di merdia minister Marisol Lopez Tromp a yega dilanti oficina di Gobernador, unda e tin un audiencia programa.
E ta lamenta cu e mocion aki a bini den un reunion cu no tin nada di haber cu e topico mes. Pa loke ta e mocion, el a bisa cu esaki ta contra ley. Ni e procedura pa mocion no por confia mas. No por t’asina ta marca 10-0 pero no tabatin 10 hende den sala cu a vota. Si mira e video, por mira cu den sala tabatin 9 persona.
No ta berdad cu ami no ta coopera, e mandatario a bisa. A traha y prepara bon pa bini cu un solucion duradero y cu metanan sostenibel. Su conclusion ta cu simplemente a busca un excuus pa bah’e y a haci mal uzo di e reunion cu tabata destina pa piscadonan.
Hopi expertonan den Reino Hulandes a bisa cu e mocion no ta corecto y no segun ley. Si firma e mocion aki pa aprob’e, e ta conclui cu e tabata algo prepara. “No solamente cu a studia e materia a reacciona, pero tambe instancianan di otro pais y pueblo. Desde Status Aparte no tabatin ningun ley cu a pasa 10-0. Esey no por.”
