Henter e situacion di mocion di desconfiansa contra di minister Marisol Lopez-Tromp a yama atencion di basta politico. Un di nan ta exparlamentario y ex minister Booshi Wever. E tambe tabata presidente di Parlamento den pasado pa loke ta partido MEP.
Como lider di UPP, Wever a comenta cu for di siman pasa a sinti un forma a-democratico cu a purba di deshaci di un minister.
E momento cu get rid di un hende pasobra no tin confiansa mas den dje, haci’e manera cu mester ta. A haci esaki door di comete saltonan mortal, haciendo uzo indebido Reglamento di Ordo, trece cosnan desinformando hende di loke ta e interpretacion of e palabra di ley.
Ta cosnan cu segun Wever ta condenabel, unda cu un presidente di parlamento ta presta su mes pa tipo di accionnan asina ki.
Cada bes cu tende e presidente parlamento haci su saltonan mortal, despues di a comete un blunder, ta condenabel.
“Tur hende por comete un eror. Nos tur ta humano. Pero ora cu kier insisti riba un blunder ta haci e cosnan mas pio, y cada bes ta ripara cu ta haci pio di loke ta prome.”
Y sigur e posicion cu e presidente di parlamento a tuma durante di e ultimo reunion den parlamento, no ta uno corecto, caminda cu el a conta 10 voto y aproba un mocion. Mester tin 11 voto pa e mocion of ley pasa. Esaki sigur ta crea un confusion den comunidad.
