Minister di Integracion, Glenbert Croes, diamars a bin den parlamento pa asina e presenta su maneho nobo pa loke ta Departamento di Integracion, Maneho y Admision di Stranhero (DIMAS). Esaki a tuma luga den un encuentro publico.
Contrario na loke hopi hende a kere cu lo bin c’un maneho di amnistia p’e stranhero, e mandatario a indica cu solamente si tin necesidad riba e mercado laboral y ta fit e perfiel, tin un dunado cu ta firma p’e trahado stranhero, ta pasa screening di DPL y esun di DIMAS, cu ta screening di salud y antecendente y cu no tin yiu di tera cu no por haci e trabou, e ora ey lo duna un permiso. El a nenga categoricamente cu ta duna amnistia.
Parlamentario Benny Sevinger di fraccion di AVP, e maneho nobo cu e mandatario kier bin cu ne ta casi mesun cos cu e handboek cu tabata valido den Gabinete Mike Eman I y II, cual e mandatario a puntra Sevinger si e ta ciego, cu e no por mira cu e no ta mesun cos.
E mandatario a sigui bisa cu ex-minister Benny Sevinger no por lubida kico el a haci na DIMAS, cu e tambe a hala e director un banda pa pone un hende di su confiansa n’e puesto ey.
