Minister di Economia, mr. Geoffrey Wever, ta na Den Haag, Hulanda, hunto cu un delegacion p’e encuentro di Aruba Investment Summit 2024. No solamente nan a participa n’e evento principal aki, pero tambe e delegacion a participa den varios reunion y encuentro importante.
E mandatario a splica cu e cosnan a bay bon y cu pa basta luna nan tabata den preparacion p’e Aruba Investment Summit 2024. El a expresa cu por a bira nervioso pasobra nan no conoce e mercado. E ekipo di delegacion a traha duro pa haya e atendencia p’e hendenan participa. E mandatario tabata di pensamento cu cos a bay bon.
E cantidad di solicitud tabata basta halto, mas di loke e delegacion a premira. Tambe online un grupo grandi a participa. E sala tabata yen y por a mira mixto di hende, esunnan cu tabata interesa den Aruba, otro cu ta partner caba y esey ta algo interesante.
Ya caba Wever a ricibi feedback di diferente participante cu nan a gusta e presentacion, nan a gusta kico Aruba ta haciendo. Ta impresiona con e economia di Aruba a recupera, kico ta e oportunidadnan di inversion. P’e mandatario e Aruba Investment Summit 2024 tabata uno exitoso.
A organisa dos breakout session, unda esunnan cu ta interesa pa inverti den San Nicolas of Oranjestad a bay un sala cu un ekipo di e delegacion, mientras esunnan cu tabata interesa den agricultura comercial, waste management, den transicion di NG, energia renobabel a bay den otro sala.
E delegacion a percura pa duna diferente informacion den e prome parti, e di dos sesion nan tabata mas ‘one a one’ y e invitadonan por a haci pregunta. Hasta a percura pa tin un orador, kende a reacciona riba e strategia cu Aruba ta uza compara cu e otronan den region y cu esaki ta uno bon.
Pa mas lesa TREMPAN.COM