Na e Aruba Investment Summit 2024 recientemente organisa na Hulanda a presenta un encuesta digital anto un di e puntonan cu mas a resalta di esnan presente, inversionistanan representando diferente compania tabata forsa laboral y permiso. Esey ta algo cu nos a puntra Departamento di Asuntonan Economico entre otro por ehempel, pasobra hopi biaha comerciantenan of inversionistanan di afo ta kere tin hopi ‘Red Tape’ na Aruba.
Minister di Asuntonan Economico, mr. Geoffrey Wever ta splica cu desde october 2022, manera cu el a bira minister a cambia e ‘vestigingsbeleid’ y bisa cu inversionnan den area di nos interes – cu ta yuda nos cu revitalisacion di Oranjestad y San Nicolas, transicion den energia, agricultura comercial, y maneho di desperdicio. Tur esaki ta bin na remarke pa un ‘Red Carpet Treatment.’
“E meta ta cu nan ta haya nan permiso dentro di dies dia, ainda nos no ta logrando esey, por ta dies dia tabata un poco ambicioso, pero den dies cuater dia mas o menos ta hayando nan permiso.” E parti aki ta canando hopi bon segun minister Wever, pero cu e Red Carpet Treatment aki mastanto ta pa duna guia y percura por ehempel haci introduccion na banconan, abogadonan, partners y mas. “Pa yuda nan saca nan proyectonan pa dilanti. Nos no por pretende di ta buscando inversionista, anto ora nan yega Aruba tur porta ta cera pa nan.”
Minister Wever ta afirma cu si nos kier e tipo di inversionistanan impactante aki cu a presenta na e Aruba Investment Summit 2024, tin cu yuda nan pa logra nan metanan. “Esey ta bin cu beneficio pa nan, y pa Aruba tambe,” segun minister Wever.
