Diaranson un delegacion comercial di Aruba a biaha hunto cu Minister di Economia, mr. Geoffrey Wever pa Colombia.
E mandatario a indica cu tabata un dia hopi intensivo. Tabata un momento hopi bunita, despues di hopi luna di trabou, a firma un contract cu Holland House y organisa esaki. Pero a warda e momento aki pa hunto cu e comerciantenan inaugura e presencia di Aruba na Colombia.
Minister Wever a sigui bisa cu esunnan cu kier haci negoshi cu Colombia, awo tin un caminda pa bay, pa haya informacion, pa topa cu hende pa intercambia ideanan. E ta algo bunita pa a logra esaki y den compania di tur e empresarionan cu ta forma parti di e delegacion comercial pa Colombia.
E anochi aki tambe Minister mr. Geoffrey Wever a inaugura e oficina di IBS di e empresario Darrel Maxwell, cu tin su oficina na Colombia. Ta bunita cu e vision di e comerciantenan ta alinea cu e vision di Gobierno.
Apertura di IBS tabata sigui pa diferente presentacion di con pa haci negoshi na Colombia, riba kico mester pensa ora di haci negoshi na Colombia. Tambe kico ta e oportunidadnan pa haci negoshi na Colombia. Tabata algo hopi interesante, p’e mandatario pa sa di e posibilidad cu tin pa haci negoshi na Colombia, pa estrecha e lasonan comercial cu e pais aki.
Pa mas lesa TREMPAN.
