Durante pandemia Aruba a hay’e den un situacion sin precedente financieramente. Pa por a cumpli cu su obligacionnan financiero, el a bay fia cerca Hulanda.
Sigur, un prestamo ta bin cu su condicionnan y un di e condicionnan tabata pa bin c’un recorte di 5.5% of 60 miyon florin riba cuido medico. Pero e siman aki, Minister di Salud Publico, Dangui Oduber a anuncia cu ta stop cu e recorte medico entrante prome di mei 2023.
Tabata den luna di januari 2023, Gobierno di Aruba a reuni cu drs. Lidewijde Ongering cu ta presidente nobo di CAft y el a mustra mas comprension pa e situacion cu Aruba ta den. El a aplaudi e echo cu AZV ta haciendo e reformanan necesario, sigur no un situacion facil. Aruba su poblacion ta den ‘vergrijzing’ y e comunidad no ta saludabel, cual ta haci cu e presion riba e gastonan medico ta continuo.
Den dies aña e poblacion riba 65 aña a aumenta te cu 20%. Esaki ta ilustra e presion cu tin di e vergrijzing riba e fondonan. Loke ta trahando riba dje ta un ‘Meerjaren perspectief’ di cual a informa CAft di dje caba. Asina ta prepara pa futuro pa por mantene e gastonan manehabel, mantene AZV sostenibel y por garantisa e pakete di seguro pa brinda na nos aseguradonan.
E mandatario a indica cu ya caba nan a informa CAft di e decision aki. Manera el a informa anteriormente, nan a reuni cu e presidente nobo di CAft, unda cu el a mustra mas comprension pa cue situacion.. El a aplaudi e echo cu ta haciendo e reformanan necesario pa por maneha e gastonan miho.
Gobierno di Aruba ta spera cu Hulanda y CAft por bay di acuerdo cu e peticion pa para e recorte di 60 miyon florin y bay over na un ‘Meerjaren Perspectief’.
Pa mas lesa TREMPAN.
