Awe mainta exactamente 10:00am den presencia di famia di defunto Milo Croes, ex Presidente di SAC, a duna inicio na e gran parada di carnaval 65. E aña aki a dedica e parada grandi na e fundado di e organisacion SAC cu algun aña pasa a perde e lisencia pa organisa carnaval, despues cu Minister Otmar Oduber a crea SMAC.
Contrario na e otro paradanan, awe Minister Xiomara Ruiz-Maduro encarga cu Finansa y Cultura di Gobierno no tabata presente pa e ceremonia. E tabata e siman aki na Tahiti pa presencia finalisacion di e donacion grandi di Union Europeo na Universidad di Aruba. Den pasado Minister di Enseñansa Michelle Hooyboer a regla esaki, pero den e gobierno nobo a lag’e den man di Minister di Finansa.
Na su luga Minister Andin Bikker di Husticia y Siguridad a inaugura e gran parada di carnaval, hunto cu dirigentenan di Stichting Maneho di Aruba su Carnaval (SMAC).
