Tabatin papia cu tin division den AVP, cu ta bayendo dos liña, di cual lider di fraccion di e partido berde, Mike Eman, a nenga rotundamente e ponencia aki, durante un entrevista cu nos medio.
El a indica cu Mike de Meza tabata hopi sincero den parlamento pa bisa con e caso a caba. Pero e votacion tabata hopi cla. Tur hende ta contra di loke a sosode, cu dos miyon florin lo ta simplemente regla.
Den esaki tin di wak tambe pasobra tin un oficina di abogado a gana 100 mil florin cu e caso aki. Kier sa tambe cua t’e oficina di abogado aki.
Fraccion di AVP por bisa cu loke Mike de Meza a haci, ta un otro forma sincero di pone cos manera cu nan ta riba mesa y esey ta kere cu tambe ta parti di AVP.
Partido ta habri, sincero, transparente y no pasobra politicamente por bisa A of B. Mike de Meza a papia e cos manera e ta, pero no a cambia e opinion cu e mester a bisa, mescos cu tur su otro coleganan, cu e tabata contra.
Loke a sosode den parlamento ta simplemente un konkelmento cu tabatin pa faborece hopi hende y no solamente Edison Briesen so.
