Dos lider di un fraccion ,dos lider di partido politico, cu tin hopi aña di experiencia den politica, ta manipula y trece informacion incorecto, segun Ricky Hoek di MEP durante un entrevista dilanti parlamento diahuebs anochi, despues di e votacion, unda cu a dicidi cu Gobierno lo bay paga 2 miyon florin na Grupo Tofanelli.
Marisol Lopez-Tromp tabata den MEP na momento cu Eddie Briesen a sigui sostene e proyecto di Aruba Latin Music Festival. Pues e tabata sa con e procesonan a bay y con a tuma e decisionnan.
Alabes e tabata hunto cu Otmar Oduber den Conseho di Minister di AVP, na momento cu a kibra e contract cu Tofanelli. Marisol Lopez-Tromp no a para riba y a bisa cu nan mester sostene e proyecto aki.
Lamentablemente Mike Eman tampoco no a sostene esaki. Aki a papia di pobresa, di salario minimo, kier papia di hopi cos, pero lamentablemente un Mike Eman, ex-minister di Aruba no ta ni drenta sala di parlamento sinta ni cinco minuut. El a djis habri reunion, pa despues henter dia no t’ey mas.
Pero si tabata para dilanti camara y duna un discurso di loke lamentablemente e no a participa mas den dje.
Remarcabel ta cu tin un kiebro grandi den partido AVP. Tin un division entre esunnan hoben y esunnan mas grandi den partido, caminda cu Mike de Meza a laga tanto Gerlien Croes como Ryçond Santos do Nascimento y Mervin Wyatt-Ras cay, ya cu el a trece e realidad dilanti cu e t’esun cu a trek in e cassatie, caminda cu su coleganan a mustra cu nan no tabatin conocemento.
Por mira un division y un dinamica hopi stroef den e partido.
