Den su discurso durante e apertura di IPKO, presidente di Parlamento di Aruba, mr. Edgard Vrolijk a trece dilanti cu Aruba lo desea pa haya un ‘kwijtschelding’ (exoneracion di e debe) ricibi for di Hulanda durante e crisis di pandemia di Coronavirus.
Riba e punto aki, lider di fraccion di Accion21 den parlamento, Miguel Mansur a bisa cu Aruba no tin e espacio financiero pa paga un biyon bek, sigur no den un par di aña. Tanten cu ta core cu deficit no tin manera di paga e debe. Pa cuminsa, lo mester paga 20 miyon florin. Pero den e presupuesto, no tin espacio pa esaki aworaki, cual ta bay bek na CAft su recomendacionnan.
Sin cuminsa paga bek e debe, ainda Aruba ta perdiendo placa. No tin espacio ni pa cubri su gastonan menos pa paga e debe. Mansur a sigui bisa cu, Hulanda ta strategico den su maneho, tanto den yuda Aruba cu lo sigui kima e placa y sigui bay mas den buraco. Parti di e motivacion tras di e Rijkswetnan, ta pa ancra e finansas publico sostenibel. Aruba, contrario na Corsou cu St. Maarten, no tin un RAft.
Prome cu papia di refinanciamento of un posibel un exoneracion, RAft mester ta un pre-condicion, pa garantisa cu no ta malgasta e placa aki, manera a sosode den pasado y cu esaki realmente lo bay na beneficio di pueblo y su futuro.
Mansur su problema cu gobernacion ta cu nan ta hopi enfoca riba e aworaki, sin tene cuenta cu e implicacion di esaki pa futuro. No por sigui fia placa den futuro, pa biba miho awe y laga e cuenta pa futuro generacion. Esey ta iresponsabel y esaki netamente ta perhudica Aruba su autonomia y existencia di e generacion Aruba.
BREVET VAN ONVERMOGEN
Ora papia di locual cu Hulanda lo mester interveni den e caso aki Gobierno di Reino, pa rescata Aruba di un desaster financiero total, pa cual e lider di Accion21 a indica cu ta remarcabel cu e parlamento di Aruba, e organo di mas halto, a pesar di tur e informacion y comunicacion, tur loke nan mes a haya di nan CAft directament, toch parlamento a aproba presupuesto 2022. Y tur cos ta mustra cu parlamento lo aproba presupuesto 2023 y e lo ta prome minister di su gabinete, Prome Minister Evelyn Wever-Croes mes ta pidi pa e aanwijzing.
E gobierno actual no ta conta cu mucho credibilidad ni na Aruba ni na Hulanda. ta un resumen di e ambiente politico cu Rijksministerraad mester interveni pa Aruba yega na un finansas publico sostenibel. Esey ta bay en contra di tur loke ta purba di logra na IPKO, duna contenido na Aruba su economia, mustra cu Aruba ta solvente, esey ta bay contra di e interes di pueblo y ta un berguensa y un lastima.
